Tvøroyrar kommuna bjóðar aftur í ár væl umtóktu vælveruvenjingarnar fyri borgarar 65+ ár, og verða tær sum vant í skúlahøllini í Trongisvági. Fyrsta venjingin verður týsdagin 3. september og vant verður 2 ferðir um vikuna: Týsdag og tórsdag frá kl 16.00-17.00. Gudrid Nolsøe, fysioterapeutur, og Birita Thomsen, ergoterapeutur, standa fyri venjingunum . Vant verður eftir tilmæli frá Sundhedsstyrelsen um venjing fyri 65+

Eftir hvørja venjing verður frukt og vatn at fáa. Løtan aftaná er kærkomin at fáa sær eitt prát í hugnaligari samveru.

 

Venjingarnar kosta 20 krónur fyri hvørja venjing. 

Tvøroyrar kommuna er við í ABC-verkætlanini fyri sálarligari heilsu, hjá Fólkaheilsuráðnum. Lesið meir um verkætlanina og fylgið við tiltøkunum her